خصوصی رپورٹس    

مخالفین پینترے بدل رہے ہیں ، نہ مانوں کی رٹ بند ہونی چاہیے

اسلام آباد(اے این این مانیٹرنگ ڈیسک) وزیر اعظم نواز شریف نے ایک بارپھر اپوزیشن کو آڑے ہاتھو ں لیتے ہوئے کہا ہے کہ کھوکھلے نعروں پر سیاست کرنے والے مخالفین نے پینترا بدل لیا،انہی کے مطالبے پر جوڈشیل کمیشن کا فیصلہ کیا تھا،میں نہ مانوں کی رٹ لگانے الے ہمارے مثبت اقدام پر بھی منفی رویے ک ااظہار کرتے ہیں ،اپنے اثاثوں کے بارے میں قوم کو اعتماد میں لے چکا ہوں،ہم نعرے بازی نہیں عملی کام کرتے ہیں ،جن منصوبوں کا افتتاح کیا ہے انھیں پایہ تکمیل تک پہنچائیں گے،جلد10ہزار میگاواٹ بجلی نیشل گرڈ میں شامل،لوگوں کو سستی بجلی ملے گی،فاٹا کے مستقبل کا فیصلہ وہاں کے عوام کی امنگوں کے مطابق ہو گا،بے گھر افراد کی مکمل بحالی تک چین سے نہیں بیٹھیں گے،متاثرین کی قربانیاں رائیگاں نہیں جائیں گی۔ان خیالات کا اظہار انھوں نے گورنر خیبر پختون خوا اقبال ظفر جھگڑا اور مسلم لیگ(ن) کے ارکان قومی اسمبلی نجیب الدین اویسی،سردار عرفان ڈوگر اور عالم داد لالیکا سے گفتگو میں کی جنھوں نے وزیر اعظم ہاو¿س میں نواز شریف سے الگ الگ ملاقات کی ۔ وزیر اعظم نے واضح کیا کہ وہ قوم کو اپنے اثاثوں کے بارے میں پہلے ہی اعتماد میں لے چکے ہیں ۔ہماری جائیداد سے متعلق پروپیگنڈہ کوئی نئی بات نہیں ہے برسوں سے ایسا کیا جا تا رہا ہے۔انھوں نے کہا کہ انھوں نے کہا کہ میں تمام سیاسی پارٹیوں کی رائے کے مطابق چیف جسٹس کی زیر نگرانی کمیشن بنانے کا فیصلہ کیا تاہم مخالفین نے اپنا پینترا پھر بدل لیا ہے ،مخالفین پاکستان کو ترقی اور خوشحالی کی راہ سے ہٹانا چاہتے ہیں ، میں نہ مانوں کی رٹ لگانے والے ہمارے مثبت اقدام پر منفی رویے کا اظہار کررہے ہیں اور کھوکھلے نعروں پر سیاست کررہے ہیں ۔ انھوں نے کہا کہ ہماری حکومت نے تین سال میں ریکارڈ ترقیاتی کا م کئے ہیں اور تاریخی منصوبوں کا افتتاح کیا ہے۔ہم باتیں نہیں کرتے عملی کا م پر یقین رکھتے ہیں ۔انھوں نے اپنے دورہ مانسہرہ کا ذکر کرتے ہوئے کہا کہ وہاں میں نے کسی منصوبے کا رسمی افتتاح نہیں کیا۔جو وعدے کئے گئے ہیں وہ پورے کئے جائیں گے۔ایبٹ آباد، اوگی، شنکیاری اور مانسہرہ میں گیس فراہم کی جائے گی۔ہم نے پہلے بھی ملک بھر میں ترقیاتی منصوبے مکمل کرائے ہیں اب بھی تمام منصوبوں کو پایہ تکمیل تک پہنچائیں گے ۔مخالفین کے پاس منفی طرز عمل کے سوا کچھ نہیں ۔انھوں نے کہا کہ ہماری حکومت عوام کو لوڈ شیڈنگ سے نجات دلانے کے لئے دن رات کام کر رہی ہے۔عوام کو سستی بجلی کی فراہمی ہمارا عزم ہے۔بہت جلد دس ہزار میگاواٹ بجلی نیشنل گرڈ میں شامل کر دی جائے گی جس سے لوڈ شیڈنگ کے خاتمے کے ساتھ عوام کو سستی بجلی بھی مہیا ہو گی ۔ انھوں نے کہا کہ ہماری حکومت کے معاشی اقدامات کو دنیا بھر میں سراہا جا رہا ہے،عالمی ادارے بھی ہمارے اقدامات کے معترف ہیں ،ہم نے ملک کو پاو¿ں پر کھڑا کرنے کے لئے موثر اقدامات اٹھائے ہیں ۔آج افراط زر میں کمی اور زر مبادلہ کے ذخائر میں اضافہ ہو رہا ہے۔انھوں نے ارکان اسمبلی کو ہدایت کی کہ وہ صدق دل سے عوام کی خدمت کریں اور اپنے حلقوں پر بھر پور توجہ دیں ،ترقیاتی منصوبے بر وقت مکمل کرائے جائیں ۔۔ اراکین پارلیمنٹ نے وزیراعظم کی قیادت اور ترقیاتی پالیسیوں پر بھر پور اعتماد کا اظہار کیا ۔ ارکان اسمبلی کا کہنا تھا کہ پاکستانی عوام وزیراعظم کے ترقیاتی ایجنڈے کی بھر پور حمایت اور پذیرائی کرتے ہیں ۔گورنر کے پی سے گفتگو میں نوازشریف نے کہا کہ قبائلی عوام کے جذبہ حب الوطنی نے عظیم نصب العین کے لئے اپنے گھروں اور آبائی علاقوں سے ہجرت کی اور ان کی قربانیاں رائیگاں نہیں جائیں گی۔حکومت قبائلی علاقوں میں اصلاحات لانے کے بارے میں بخوبی آگاہ ہے تاہم فاٹا کے مستقبل کا فیصلہ عوام کی خواہشات کے مطابق کیا جائے گا۔ایسا کوئی فیصلہ نہیں کیا جائے گا جو فاٹا کے عوام کے لئے قابل قبول نہ ہو۔انھوں نے کہا کہ قبائلی عوام کے جذبہ حب الوطنی نے عظیم نصب العین کے لئے اپنے گھروں اور آبائی علاقوں سے ہجرت کی اور ان کی قربانیاں رائیگاں نہیں جائیں گی۔انہوں نے کہا کہ یہ میرا ویژن ہے کہ قبائلی علاقوں کے عوام ملک کے دیگر عوام کی طرح معیار زندگی سے لطف اندوز ہوں۔ملاقات میں قبائلی علاقوں کی ترقی ،بے گھر افراد کی گھروں کو واپسی اور فاٹا میں جاری ترقیاتی منصوبوں پر بھی تبادلہ خیال کیا گیا ۔ وزیر اعظم نے کہا کہ قبائلی علاقوں کے عوام کی حب الوطنی کسی شک و شہبے سے بالا تر ہے فاٹا کے عوام نے مستحکم پاکستان کے لئے اپنے گھر بار چھوڑ کر ہجرت کی ۔متاثرین کی مکمل بحالی میں کوئی دقیقہ فروگزاشت نہیں کیا جائے گا۔ان کی قربانیاں رائیگان نہیں جائیں گی۔انھوں نے کہا کہ میرا ویژن ہے کہ قبائلی عوام کو بھی ملک کے دیگر حصوں کے لوگوں کی طرح کا معیار زندگی فراہم کیا جائے۔ وزیر اعظم پاکستان میاں نواز شریف نے کہا ہے کہ بہت جلد 10 ہزار میگا واٹ بجلی قومی نظام میں شامل ہو جائے گی جس سے نہ صرف لوڈشیڈنگ کا خاتمہ ہو گا بلکہ عوام کو سستی بجلی بھی فراہم ہو گی زرمبادلہ کے ذخائر ملکی تاریخ کی بلند ترین سطح پر ہیں اور ہماری حکومت کی ترقی سے جلانے والے کبھی بھی اپنی سازشوں میں کامیاب نہیں ہونگے۔

Mazeed News
مخالفین پینترے بدل رہے ہیں ، نہ مانوں کی رٹ بند ہونی چاہیے

قومی خبریں    

بین الاقوامی خبریں    

سپورٹس    

شوبز    

دلچسپ و عجیب    

صنعت و تجارت